Atlantic Airways eitt flogfar afturat

Næsta ár fær Atlantic Airways eitt flogfar aftrat. Tá telur flotin fýra flogfør, føroyska flogfelagið eigur trý flogfør í dag. Talan verður um eitt flogfar av slagnum Airbus 320neo, sum kemur til Føroya í mai.

Samstundis sum Atlantsflog kunnger hetta, boðar felagið frá, at tey hava gjørt trý ára samstarvsavtalu við donsku ferðaskrivstovuna Primo Tours, soleiðis at Atlantic Airways eisini vinnur pening upp á nýggja flogfari í lágárstíð. 

Nýggja flogfarið fer at flúgva úr Danmark til ymisk ferðamál sunnanfyri í lágárstíð.