Tríggir fótbóltsdystir í dag

Klokkan 15 spælir Víkingur móti NSÍ, Skála tekur á heimavølli ímóti AB, og á Eiði spæla EB/Streymur og TB. 

Hinir báðir dystirnir í hesum umfarinum verða spældir ímorgin. 

Klokkan 18 verður grannauppgerð millum HB og B36.

Í annaðkvøld klokkan 19 spæla ÍF og KÍ í Fuglafirði.

Undan hesum umfarinum liggur Víkingur á odda í Betri-deildini við 35 stigum. B36 er á øðrum plássi, við einum dysti færri, við 34 stigum og HB er á triðja plássi við 33 stigum.

Vit fylgja teimum trimum dystunum í útvarpssendingini Bólturin, sum byrjar klokkan 14:45.

Eingin dystur í Betri-deildini hjá kvinnum er hetta vikuskiftið.