Fótbóltsmenninir byrja í Kekkia

Fótbóltsmenninir byrja í Kekkia
Føroyar spæla fyrsta dystin á útivølli móti Kekkia leygardagin 22. mars og seta punktum úti ímóti annaðhvørt Fraklandi ella Kroatia. Skráin fyri HM-undankappingina er nú løgd
Hesir byrjaðu inni í síðsta Nations League-dystinum í fjør ímóti Norðurmekedónia í Skopje. Um góðar tríggjar mánaðir byrjar HM-undankappingin
Mynd: Hans Erik Danielsen/FSF  
 
13.12.2024 - 21:05

Føroyska fótbóltslandsliðið við monnum leggur fyri á útivølli ímóti Kekkia, tá HM-undankappingin byrjar um góðar tríggjar mánaðir.

Fyrsti dysturin verður leygardagin 22. mars, tá kekkar taka ímóti Føroyum. Tríggjar dagar seinni gongur leiðin til Montenegro, skrivar fsf.fo.

Í juni taka Føroyar ímóti Gibraltar á Tórsvølli, áðrenn annaðhvørt Frakland ella Kroatia vitja í september. Beint eftir tann heimadystin skal Føroyar til Gibraltar at spæla fimta undankappingardystin.

Í oktober koma Montenegro og Kekkia á Tórsvøll, áðrenn undankappingin endar á útivølli ímóti fraklendingum ella kroatum. 

Hvørt tað verður Frankaríki ella Kroatia, ið endaliga verða í bólki L, verður avgjørt við tveimum UEFA Nations League play-off dystum, sum eru á skránni 20. og 23. mars. Taparin verður í bólki L, meðan vinnarin endar í bólki D, saman Ukraini, Íslandi og Aserbadjan.

SÍ EISINI: Landsliðsmálverji vil hava 10 stig

 

Leikskráin
22. mars: Kekkia – Føroyar (kl. 19:45)
25. mars: Montenegro – Føroyar (kl. 19:45)
9. juni: Føroyar – Gibraltar (kl. 19:45)
5. september: Føroyar – Frakland/Kroatia (kl. 19:45)
8. september: Gibraltar – Føroyar (kl. 19:45)
9. oktober: Føroyar – Montenegro (kl. 19:45)
12. oktober: Føroyar – Kekkia (kl. 17:00)
14. november: Frakland/Kroatia – Føroyar (kl. 19:45)

Er kopiera
Nýggjastu sendingar í ÚV
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125