Google avmarkar atgongdina hjá Huawei

Google hevur í nátt gjørt tað soleiðis, at fólk, sum hava Huawei-telefonir ikki hava atgongd til nýggju Android-stýrisskipanina.

Hetta merkir, at tær 2,5 milliardirnar kring heimin, sum hava eina Huawei-telefon verða avmarkað í mun til Google-appir á telefonini.

Millum annað fáa tey, sum hava Huawei telefon, ikki atgongd til til dømis Google Play Store, YouTube og Gmail. Hetta skrivar dr.dk. 

Arbeiða við einari neyðætlan

Avmarkingin kemur í kjalarvørrinum á, at Donald Trump hósdagin gjørdi av, at amerikanskr fyritøkur ikki sleppa at brúka teleútgerð, sum er framleidd av kinesisku risafyritøkuni.

Orsøkin til avgerðina er, at hann metir, at fíggindar hjá USA hava atgongd til innanhýsis samskifti í USA. Hetta er ein stórur missur fyri Huawei, sum hevur stóran marknað í USA.

Huawei boðar eisini frá, at tey longu eru í holt við eina neyðætlan, um brúkarar skuldu mist atgongd til Android-stýrisskipanina.