Stórur spenningur um upp- og niðurflyting

Í dag verður endabrestur í heimligu fótbóltskappingini hjá monnum. 

Størsti spenningurin er um upp- og niðurflyting úr næstbestu og bestu deildini. 

B68 í næstbestu deildini kann við einum sigri á Víkingi á middegi í dag tryggja sær uppflyting. 

Liðini fara á middegi aftur á vøllin í Leirvík at spæla teir 77 minuttirnar, sum restaðu í, tá dómarin í gjárkvøldið fyri veður avblásti dystin. Tá var støðan framvegis javnleikur 0-0. 

Svarti Per

Við einum sigri, so kann B68 vinna seg upp á annaðplássið í næstbestu deildini og harvið tryggja sær uppflyting. Tað merkir so, at bæði tey aftastu liðini í bestu deildini, sum er AB og 07 Vestur, mugu ta tungu leið niður í næstbestu deildina.  

Tapir B68 dystin móti Víkingi, so verður tað bara aftasta liðið í bestu deildini, sum flytir niður. Og tað stríðið er ikki endaliga avgjørt.

AB noyðist tó at vinna sín dyst á útivølli móti EB/Streymi fyri yvirhøvur at hava ein møguleika at yvirliva í bestu deildini. 

Dysturin millum Víking og B68 í næstbestu deildini byrjar í Leirvík klokkan 12.00. 

Dystirnir í bestu deildini byrja allir klokkan hálvgum fýra. 

Dystir í Betri deildin

EB/Streymur – AB kl. 15.30

NSÍ – KÍ kl. 15.30

Skála – B36 kl. 15.30

HB – Víkingur kl. 15.30

Suðringar – 07 Vestur kl. 15.30

Dystir í 1.deild

Víkingur – B68 kl. 12.00

B71 – ÍF kl. 13.00