Selja ullina

Búnaðarstovan fer nú undir at selja ullina, sum varð savnað inn í ullarmóttøkuni í summar. Tað skrivar Búnaðarstovan á heimasíðuni.

Í fyrstu syftu verður talan um at selja ull í leysari vekt, tað vil siga í smáum  mongdum heilt niður í 10 kg í einum sekki.

Ullin er býtt uppí tveir flokkar.

Fyrsta flokka ullin er skild í 6 ymiskar náttúrulitir, svart, hvítt, ljósamorreytt, ljósa- og myrkagrátt og flekkutt.

Onnur flokka ullin eru blandaðir litir.

Ullin í fyrsta flokki er væl egnað til alt ullararbeiði, sigur Búnaðarstovan.