Pedagoghjálparaútbúgving til hoyringar

Pedagoghjálparaútbúgving til hoyringar
Pedagoghjálparaútbúgvingin verður eftir ætlan sett á stovn á Heilsuskúlanum í Suðuroynni á nýggjárinum
 
18.09.2018 - 18:21

Rigmor Dam, landsstýriskvinna, hevur sent lógaruppskot um nýggju útbúgvingina til hoyringar.

Samstundis verða heilsuhjálpara- og heilsurøktaraútbúgvingarnar lagdar í somu lóg sum nýggja pedagoghjálparaútbúgvingin, men innihaldið í útbúgvingunum til heilsuhjálpara- og heilsurøktara verður óbroytt.

Skotið verður upp, at pedagoghjálparaútbúgvingin skal taka tvey ár. Ástøðiligi parturin við próvtøku skal í minsta lagi verða 44 vikur í skúla.

Umsøkjari skal hava lokið 9. floksprógv og hava í minsta lagi tvey ára útbúgving ella tvey ára arbeiðsroyndir.

Hálva aðru millión

Mett verður, at útbúgvingin fyrsta árið fer at kosta landskassanum hálva aðru millión krónur.

Næmingarnir hava rætt til lestrarstuðul frá Studna, og útreiðslurnar til lestrarstuðul verða mettar til 650.000 krónur í 12 mánaðir.

Harumframt kann roknast við útreiðslum til samsýning til vegleiðing í starvsvenjing.

Kommunurnar hava ongar útreiðslur av nýggju útbúgvingini, stendur í uppskotinum.

Uppskotið er sent til hoyringar hjá Pedagogfelagnum, felagnum fyri hjálparfólk, skúlaleiðarafelagnum, Heilsurøktarafelagnum, Heilsuhjálparafelagnum, Kommunufelagnum, Almannaverkinum, Almannamálaráðnum, Heilsuskúlanum, Fróðskaparsetrinum og Studna.

Hoyringarfreistin er 2. oktober. 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243