A-landsliðið úttikið

Lars Olsen, landsliðsvenjari, kunngjørdi í dag teir 23 spælararnar, sum skulu spæla UEFA Nations League dystir móti Malta og Kosovo.

Føroyar spæla móti Malta á Tórsvølli 7.september og á útivølli móti Kosovo 10.september.

Fróði Benjaminsen ikki úttikin

Tað er merkisvert, at miðvallarin, Fróði Benjaminsen, sum hevur spælt 94 dystir fyri Føroyar, ikki er úttikin hesaferð.

Fróði Benjaminsen verður 41 ár seinni í ár, og Lars Olsen sigur, at hann vil royna yngri menn á miðvøllinum til hesar dystirnar.

Landsliðsvenjarin sigur tó, at tað er als ikki óhugsandi , at tað vera boð eftir Fróða Benjaminsen til aðrar dystir.

HB-spælarar nýggir í hópinum

Lagið var ikki gott, á Jógvan Róa Davidsen og Magnusi Egilsson, tá teir vaknaðu sunnudagin.

Tapið fyri B36 í steypafinaluni nívdi enn fast. Men lagið bleiv tó skjótt munandi frægari, tá telefonin ringdi.

Teir hava báðir fingið landsliðsboð fyri fyrstu ferð. Báðir fegnaðust um úttøkuna á tíðindafundinum í morgun.

Tróndur Jensen úr HB er eisini við í hópinum hesaferð.

Hópurin

Skráin: