Stykkja út í Runavíkar kommunu

10 grundstykkir verða nú stykkjaði út í Kass í Rituvík.

Sáttmálið er er gjørdur við Fa. Verkon um at gera stykkinini byggibúgvin, sæst á heimasíðuni hjá Runavíkar kommunu.

Nakrar umsóknir liggja niðurfyri til hesa útstykkingina, og tey sum hava áhuga fyri at ogna sær grundstykki í Rituvík, kunnu venda sær til Runavíkar kommunu, skrivar kommunan á heimasíðuni..

Tvær aðrar útstykkingarætlanir gerast veruleiki í næstum. Ein í Horni á Skála, sum tó er seinkað nakað.

Hin útstykkingin fer at fara fram í Leitinum í Saltangará/Runavík, og væntandi kann verkætlanin fara í útboð seint í vár ella tíðliga í summar. Í hesum økinum verður rúm fyri áleið 85 búeindum, sæst á heimasíðuni hjá Runavíkar kommunu.