Nazistar mótmæla í Gøteborg

í Gøteborg er rokaligt í sambandi við eina mótmælisgongu, sum nazistar skipa fyri í býnum í dag, skriva svenskir miðlar.

Longu áðrenn mótmælisgonguna vóru fleiri fólk handtikin.

Væntandi luttaka umleið 1.000 nazistar í mótmælisgonguni, men politiið roknar við umleið 10.000 fólkum, sum møta upp at mótmæla ímóti nazistunum.

Tað er bólkurin Nordiska Modståndsrørelsen, sum skipar fyri mótmælisgonguni hjá nazistunum. Og hildið verður, at bæði víðgongd vinstravend og høgravend fara at luttaka í mótmælisgongu ímót vørjum øðrum.

Politiið hevur kallað inn politistar úr øllum landinum at hjálpa til at halda skil á í Gøteborg í dag. Og haraftrat eru eyka vaktir settar við marknaliðið til m.a. Norra, tí fráboðanir komu um fleiri útlendingar, sum skuldu møta upp til mótmælisgongurnar.