Fjórðstørsti flogvøllur í ríkinum

Ferðafólkatalið á Vága Floghavn bara veksur og nú er Vága Floghavn fjórðstørsta floghavn í danska kongaríkinum. Kastrup er sjálvandi nógv størst, síðani koma Billund og Aalborg - og so plagdi Aarhus at hava fjórðflest ferðandi. Hetta er nú broytt. Til og við augustmánað í ár eru 242.197 fólk farin um Vága Floghavn - og tað er umleið 6000 fleiri ferðandi enn Aarhus lufthavn hevur havt.

Samanbera við augustmánað í ár og augustmánað í fjør er talan um ein vøkstur á 21,3 prosent..