Rendi á farmaskip

Sjey fólk umborð á sjóverjuskipinum USS Fitzgerald eru ikki komin afturíaftur eftir samanstoytin. Millum tey skaddu er herðovastin umborð á USS Fitzgerald, sum var fluttur á sjúkrahús. Tað skrivar BBC á heimasíðuni.

Filipinska farmaskipið, ACX Crystal, sum var á veg til Tokyo, gjørdi eina kúvending 25 minuttir áðrenn samanstoytin. Enn vita myndugleikarnir ikki at siga, hví farmaskipið skifti kós.

Óhappið hendi í einum øki, har sera nógv sjóferðsla er. Líknandi óhapp hava verið har fyrr, sigur almenna japanska sjónvarpsstøðin NHK.

Farmaskipið fekk minni skaða í bógvin, og eingin av teimum 22 umborð fingu skaða.

Japanska sjóverjan leitar nú eftir teimum sjey fólkunum, sum eru partur av manningini umborð á USS Fitzgerald.

Eisini verður kannað, hvussu eitt skip við einum av mest framkomnu radaraskipanum í heiminum kundi renna á eitt stórt farmaskip í góðum veðri og í góðum sýni.