Fólkavøkstur í Nes kommunu

Fólkatalið í Nes kommunu er vaksið við 23 fólkum síðan 1. januar. 

Nú búgva 1260 borgarar í Nes kommunu samanborið við 1237 við ársbyrjan. Vøksturin er 1,9 prosent, ikki síðan 2009 hava so nógv fólk búð í Nes kommunu. 

Umframt fólkavøksturin eru skattainntøkurnar hjá kommununi fyri 1. hálvár 2016 vaksnar við smáum 2 milliónum krónum - ein vøsktur á 10,9 prosent.

Nú er skattainntøkan í Nes kommunu 19,3 mió krónur. Í fíggjarætlanini fyri 2016 er roknað við, at skattainntøkan verður 17,5 mió. krónur. Meirinntøkan er higartil í ár sostatt 1.8 milliónir.