Neshagi friðast

Samráðingarnar hava verið drúgvar, men partarnir eru nú komnir á mál, skrivar Vestmanna kommuna á heimasíðuni. 

Stýri fyri Neshaga og Vestmanna kommuna eru nú samd um at vetrarfriða Neshaga.

Teir tríggir hagarnir, sum hava mark ímóti bygdini, eru nú vetrarfriðaðir.

Arbeiðið at hegna verður eftir ætlan liðugt áðrenn 15. oktober, tá seyðurin plagdi at koma aftur á bøin.