Hallið størri enn væntað

Orsøkin til hallið er, sambært Sermitsiaq.gl, at 8,7 milliónir meira eru brúktar á náms og verklagskontuni, enn upprunaliga ætlað. Sostatt vaks hallið nú upp í 73 milliónir krónur.

Orsøkin til stóra hallið er, at tað kostaði 13,5 milliónir krónur meira at útbyggja útbúgvingarstovnin Campus Kujalleq í Qaqortoq, enn mett varð, skrivar Sermitsiaq.

Hinvegin, so hevur grønlendska stjórnin selt sín eigarapart av námseftirgranskingarfelagnum, Nunaminerals, og inntøkan av hesi sølu minkar nakað um hallið.