Vilja hava samfelagsfrøði á tímatalvuna

Ungdómstingið byrjar í Løgtinginum í dag. Víst verður á, at í studentaskúlanum eru fleiri næmingar, sum iðra seg um, at teir valdu samfelagsfrøði, og ofta eru teir givnir.

Kemur samfelagsafrøði í fólkaskúlan, fer ungdómurin at hava lættari við at skilja lærugreinina á hægri stigi.

Samfelagfrøðingar, sum 9.a í Hoyvíkar skúla hevur tosað við, siga, at ungdómurin veit alt ov lítið um politikk og samfelagsviðurskifti, og teir halda eisini, at tað er skilagott at hava samfelagsfrøði í fólkaskúlanum.

Skotið verður upp at hava tveir tímar í samfelagsfrøði um vikuna. Annar tímin skal takast frá donskum í framhaldsdeildini, og hin skal leggjast aftrat tímatalvuni.