B36 kann endurvinna føroyameistaraheitið í dag

Hóast tað eru fýra umfør eftir í Effodeildini, so kann B36 longu í dag endurvinna FM.

B36 er í løtuni átta stig frammanfyri NSÍ, og tí kann avgerðin fella í hesum umfarinum.

Skal tað henda má B36 vinna á TB, samstundis sum NSÍ missir stig í dystinum móti HB við Løkin í Runavík í dag.

Í niðara endanum er eisini stórur spenningur í dag. Har verður botndystur millum AB og FC Suðuroy.

Feløgini eru á ávíkavist áttanda og níggjunda plássi við 19 stigum hvør.

Útvarpið sigur í dag frá dystinum millum B36 og TB í Gundadali, og fylgt verður eisini við hinum dystunum.

Allir dystirnir í dag byrja klokkan 15:00

ÍF - KÍ

EB/Streymur - Víkingur

B36 - TB

NSÍ - HB

AB - FC Suðuroy

Støðan:

Bólturin er á skránni klokkan 14:45. Maria Ziskason Nesá er vertur, og Suni Merkistein og Jóannes Jakobsen siga frá dystinum millum B36 og TB.