- Tíðindi, mentan og ítróttur
Soleiðis gekk í 2011
Sambandsflokkurin bleiv størsti flokkur í 2011. Flokkurin fekk 7.546 atkvøður, sum var 24,7 prosent av øllum atkvøðunum.
Flokkurin hevði eina framgongd á 3,7 prosentstig í mun til valið í 2008.
Stóri toppskorarin hjá Sambandsflokkinum bleiv formaðurin, Kaj Leo Holm Johannesen, sum fekk 1.979 atkvøður.
Sambandsflokkurin fekk átta tingfólk á Løgtingsvalinum í 2008:
| Kaj Leo Johannesen | 1.979 |
| Bárður Nielsen | 872 |
| Bjørn Kalsø | 704 |
| Rósa Samuelsen | 480 |
| Alfred Olsen | 473 |
| Helgi Abrahamsen | 404 |
| Johan Dahl | 327 |
| Edva Jacobsen | 311 |
Í hølunum á Sambandsflokkinum kom Fólkaflokkurin, sum fekk 6.883 atkvøður. Tað var 22,5 prosent av atkvøðunum.
Fólkaflokkurin hevði eina framgongd á 2,4 prosentstig.
Toppskorari hjá Fólkaflokkinum bleiv Annika Olsen við 1.344 atkvøðum, sum var næsthægsta persónliga atkvøðutal í 2011.
Fólkaflokkurin fekk átta tingfólk á løgtingsvalinum í 2008:
| Annika Olsen | 1.344 |
| Jacob Vestergaard | 1.048 |
| Jákup Mikkelsen | 455 |
| Jørgen Niclasen | 382 |
| Elsebeth Mercedis Gunnleygsdóttir | 344 |
| Jógvan á Lakjuni | 341 |
| Bjarni Djurholm | 328 |
| Hanus Samró | 304 |
Triðstørstur flokkur á Løgtingsvalinum í 2011 bleiv tjóðveldi, sum 5.589 atkvøður. Flokkurin fekk 18,3% av atkvøðunum.
Tjóðveldi hevði størstu afturgongdina av øllum í mun til valið í 2008. Flokkurin fór fimm prosentstig aftur.
Formaðurin, Høgni Hoydal, bleiv toppskorari fyri Tjóðveldi. Hann fekk 1.054 atkvøður.
Tjóðveldi fekk seks tingfólk
| Høgni Hoydal | 1.054 |
| Kristina Háfoss | 451 |
| Bjørt Samuelsen | 365 |
| Gunvør Balle | 358 |
| Páll á Reynatúgvu | 332 |
| Sirið Stenberg | 319 |
Javnaðarflokkurin bleiv í akvøðutali fjórðstørsti flokkur við 5.428 atkvøðum. Flokkurin fekk seks tingfólk.
Javnaðarflokkurin hevði eina afturgongd á 1,5 prosentstig í mun til valið í 2008, tá flokkurin fekk 6.018 atkvøður.
Formaðurin í Javnaðarflokkinum, Aksel V. Johannesen bleiv toppskorari á javnaðarlistanum, hann fekk 1.204 atkvøður.
Tey seks ið vóru vald á ting fyri Javnaðarflokkin í 2011:
| Aksel V. Johannesen | 1.204 |
| Kristin Michelsen | 393 |
| Gerhard Lognberg (skifti seinni til Sambandsflokkin) | 344 |
| Rigmor Dam | 271 |
| Henrik Old | 265 |
| Eyðgunn Samuelsen | 261 |
Framsókn var nýggjur flokkur á Løgtingsvalinum í 2011. Flokkurin fekk 1.933 atkvøður
Tær 1.933 atkvøðurnar hjá Framsókn rukku til tvey tingfólk.
| Poul Michelsen | 581 |
| Janus Rein (Skifti seinni til Fólkaflokkin) | 250 |
Miðflokkurin hevði afturgongd í mun til valið í 2008. Afturgongdin var 2,2 prosentstig.
Í 2011 fekk Miðflokkurin 1.883 atkvøður. Í 2008 fekk flokkurin 2.610.
Miðflokkurin fekk tvey tingfólk í 2011:
| Jenis av Rana | 434 |
| Bill Justinussen | 428 |
Sjálvstýrisflokkurin fekk 1.290 atkvøður og ein tingmann. Flokkurin hevði eina afturgongd á trý prosentstig.
Kári P. Højgaard varð valdur fyri Sjálvstýrisflokkin. Hann fekk 317 atkvøður.
Eftir valið skipaðu Fólkaflokkurin, Sambandsflokkurin, Miðflokkurin og Sjálvstýrisflokkurin samgongu.
Meira um løgtingsvalið í 2011 her
