Fylg løgtingsvalinum í Kringvarpinum

Bæði á heimasíðuni, í sjónvarpinum og í útvarpinum verður nógv gjørt burtur úr valkvøldinum. Sí her, hvat verður gjørt í teimum trimum miðlapallunum

Seinastu fyrireikingarnar verða í løtuni gjørdar til stóru valsendingina, ið byrjar í sjónvarpinum klokkan 19. Eisini útvarpið og á kvf.fo verður gjørt nógv burturúr løgtingsvalinum í kvøld

Mynd: KvF

- Rannvá G. Fossaberg

01.09.2015 - 18:30

Kringvarpið ger nógv burtur úr løgtingsvalinum, og í kvøld ber til at fylgja við valinum bæði á heimasíðuni, í sjónvarpinum og í útvarpinum.

Stóra valsendingin í sjónvarpinum byrjar klokkan 19:00 í kvøld. Vertir eru Johnsigur Johannesen, Bogi Godtfred, Jón Brian Hvidtfelt og Sigrun Brend.

Umframt valúrslit verður eisini prátað við ymiskar politikarar, sum eru komnir í høllina, haðani sjónvarpið sendir í kvøld. Harafturat verða innsløg, sum eru gjørd frá teimum ymisku valstøðunum, víst í sendingini.

Nýggj valsending á skránni í útvarpinum

Í útvarpinum verða tað teir báðir Finnur Koba og Tróndur Vatnhamar, sum fara at hava eina heldur annarleiðis valsending, ið hevur fingið heitið Valkvøld í útvarpinum...hesaferð við Koba og Vatnhamar.

Valsendingin í útvarpinum byrjar eftir tíðindini klokkan 18:00. Sjónvarpið sendir til umleið klokkan 1 í nátt, tá formansumfarið hevur verið.

Til ber at stroyma sjónvarpssendingina beinleiðis á heimasíðuni ella her: Kringvap Føroya á Youtube