Tænastubygningurin reistur í dag

Til staðar vóru umboð fyri nevnd og leiðslu hjá Vága Floghavn, umboð fyri Faerport, Atlantic Airways, Articon og undirveitarar hjá Articon. 

- Nýggj krøv frá mynduleikum, vaksandi ferðafólkatal og krøv um betri umstøður til komandi og farandi ferðafólk ger, at íløgan er sera týdningarmikil fyri framtíðar menning av føroyskari flogvinnu, Vága Floghavn í tíðindabrævi.

Núverandi farstøð er 1800 kvm. Teir báðir tax-freehandlarnir eru umleið 70 ferðmetrar hvør. Nýggja farstøðin verður umleið 3800ferðmetrar til støddar, og taxfree-økið verður umleið 800 ferðmetrar.

Atlantic Airways

Farstøðin og tænastubygningurin eru einar 7600 ferðmetrar til støddar. Umframt Vága Floghavn, kemur ein stórur partur av umsitingini hjá Atlantic Airways at húsast í tænastubygninginum. Politistøðin í Vágum og Posta fara eisini at húsast í nýggju hølunum.

Á farstøðini verða eisini avgreiðsluhøli hjá Atlantic Airways, Avis og Kunningarstovuni. Góðar umstøður verða eisini til matarsølu.

Um alt gongur eftir ætlan, so verður byggingin liðug í mai 2014.