- Tíðindi, mentan og ítróttur
Forboð at flyta livandi seyð av Streymoynni
<div>Forboð er sett fyri at flyta livandi seyð av Streymoynni. </div><div><br></div><div>Heilsufrøðiliga Starvsstovan kunngjørdi í gjár, at nú ridluskriði er staðfestur í tveimum støðum í Streymoynni, verður loyvi ikki longur givið til at flyta livandi seyð av Streymoynni. </div><div><br></div><div>Loyvi verður tó framvegis givið til at flyta livandi seyð til Streymoynna, men hesin seyðurin fær ikki flutningsloyvi av oynni aftur. Seyðasjúkan ridluskriði varð staðfest á Skælingi í mars í ár. Tá varð sett fyribils forboð fyri at flyta livandi seyð av Streymoynni. </div><div><br></div><div><b>Smittandi ridluskriði</b></div><div><br></div><div>Nú er staðfest, at talan er um smittandi ridluskriða. Tí er bannað at flyta livandi seyð av Streymoynni. Loyvt er tó at flyta seyð millum pláss í Streymoynni. Men Heilsufrøðiliga starvsstovan mælir tó staðiliga frá øllum óneyðugum flutningi av livandi seyði. </div><div><br></div><div>Serliga er hetta galdandi fyri Steymoynna og Fugloynna. Nógv ár eru síðani, at ridluskriði varð staðfestur í Fugloynni. Somu reglur um seyðaflutning eru tí galdandi fyri Fugloynna sum fyri Streymoynna. </div><div><br></div><div>Á heimasíðuni hjá Heilsufrøðiligu Starvsstovuni eru nógvar upplýsingar um ridluskriða, sum eru hentar hjá teimum, sum fáast við seyð. Heimasíðan eitur <a target="_blank" href="hfs.fo">hfs.fo</a>.</div><div><br></div>
