- Tíðindi, mentan og ítróttur
Kommunurnar hava javnvág í ár
Kommunurnar hava javnvág í ár
Kommunurnar hava verið skjótar at laga seg til afturgongdina í búskapinum, sigur Landsbankin
Kommunurnar hava dugað at laga seg til afturgongdina í búskapinum, og í ár verður javnvág, væntar Landsbankin.
27.08.2012 - 09:48
Meiri skattur enn væntað ger, at kommunurnar fara at hava javnvág í ár í staðin fyri, sum væntað, 74 milliónir krónur í halli.
Landsbankin sigur, at kommunurnar í ár brúka 3,2 prosent meira til rakstur enn í fjør og næstan 12 prosent meira til íløgur. Landsbankin hevur í sínari framrokning ásett vøksturin næsta ár at verða tann sami sum prísvøksturin, hálvt annað prosent.
Kommunurnar vóru skjótar at laga seg eftir afturgongdini í búskapinum, sum byrjaði í 2008. Tað árið, 2008, høvdu kommunurnar 346 mió. kr. í halli. Men longu tvey ár seinni, í 2010, høvdu tær 24 milliónir í avlopi og 29 milliónir í fjør.
Í ár varð roknað við 74 milliónum í halli, men økti kommunuskatturin ger, at kommunurnar helst fara at hava javnvág í ár, sigur Landsbankin.
Er kopiera
Nýggjastu sendingar í ÚV
