- Tíðindi, mentan og ítróttur
Allir dómarar í Hægstarætti í Føroyum
<div>Hægstirættur er á kunningarferð í Føroyum. Allir 19 dómarar í Hægstarætti eru við á ferðini, sum endar mikudagin við, at Hægstirættur viðger málið um meirvirðisgjaldið av skrásetingargjaldinum fyri bilar.</div><div><br></div><div>Tann rættarfundurin verður á Hotel Føroyum.</div><div><br></div><div>Nú, meðan Hægstirættur er í Føroyum, vitjar hann løgmann, sum skal kunna um landsstýrið, politisku støðuna og ríkisfelagsskapin, løgtingið, ríkisumboðið, fútan, Fróðskaparsetrið, Løgtingsins umboðsmann, Færøernes Kommando og Føroya rætt. </div><div><br></div><div><b>Fyrstu ferð í Føroyum</b></div><div><br></div><div>Hetta er fyrstu ferð, at Hægstirættur heldur rættarfund í Føroyum, hóast Hægstirættur av og á viðger føroysk sakarmál.</div><div><br></div><div>Hægstirættur skal, eins og Føroya rættur og Eystari landsrættur, taka støðu til, um TAKS ólógliga kravdi meirvirðisgjald av skrásetingargjaldinum á 12.200 akførum í tíðarskeiðnum 1999-2005. </div><div><br></div><div>Fáa bileigararnir viðhald, fer tað at kosta landskassanum yvir 100 milliónir krónur í endurgjaldi. </div><div><br></div><div>Málið er meira enn seks ára gamalt. Í Føroya rætti fingu bileigararnir viðhald. Men í Eystara Landsrætti 20.januar í fjør fekk TAKS viðhald. </div><div><br></div><div> </div><div> </div>