- Tíðindi, mentan og ítróttur
100 ferðafólk verða við fyrsta túrin
<p>Umleið 100 ferðafólk verða á fyrsta regluliga túrinum hjá nýggja Airbus-flogfarinum hjá Atlantsflogi úr Vágum til Keypmannahavnar í morgin ári klokkan 8.15.</p><div><br></div><div>Airbussurin verður burturav nýttur til Keypmannahavnar-rutuna, og hann flýgur tveir túrar um dagin. Á fyrsta túrinum úr Keypmannahavn í Vágar seinnapartin í morgin verða 142 ferðafólk. Tilsamans koma og fara sløk 500 ferðafólk við Airbussinum fyrsta dagin, hann flýgur regluliga rutu. Flogfarið tekur 144 ferðafólk.</div><div><br></div><div>Airbussurin røkir einsamallur rutuna millum Vágar og Keypmannahavnar til síðst í mai, tá háárstíðin byrjar. Tá verða fleiri fráferðir, og tá fer eitt British Aerospace-flogfar eisini at flúgva á hesi rutuni.</div><div><br></div><div>Gomlu flogførini verða nú annars burturav nýtt til hinar ruturnar hjá Atlantsflogi, t.e. Reykjavík, Billund, London, Bergen og Aalborg. </div><div><br></div><div>Í summar fer Atlantsflog at flúgva beinleiðis til Barcelona í Spania. Flogið verður hvønn sunnudag, frá hálvum juni til hálvan august. Hesar dagar verða gomlu flogførini nýtt á Keypmannahavnar-rutuni. </div><div><br></div><div>Atlantsflog hevur nú bert trý av gomlu British Aerospace-flogførunum eftir. Umframt at flúgva rutuflúgving verða tey nýtt til leiguferðir. </div><div><br></div><div><br></div>
