- Tíðindi, mentan og ítróttur
BankNordik letur einki vinningsbýti
<div>Landsstýrið væntaði sær fimm milliónir krónur í vinningsbýti frá BankNordik í ár, men teir pengarnir koma ikki í landskassan.</div><div>Tí á aðalfundinum hjá BankNordik 30.mars fer nevndin at mæla til, at einki vinningsbýti verður latið fyri 2011. Í staðin fyri skal alt ársúrslitið flytast millum ár.</div><div><br></div><div>BankNordik hevði 31 milliónir krónur í avlopi í fjør, men tað var fyri skatt. Hetta er nógv minni enn í 2010, tá avlopið var 416 milliónir krónur. Men tað árið seldi bankin Bakkafrost, og tí var inntøkan óvanliga stór.</div><div><br></div><div>Útreiðslurnar av Amagerbankanum gera úrslitið so soltið hesa ferð. Haraftrat gjørdi ódnarveðrið í vetur, at inntøkurnar hjá samtakinum gjørdust minni enn væntað, tí Trygd hevði stórar útreiðslur. </div><div><br></div><div>Á aðalfundinum 30.mars verður Bent Naur, fráfarandi stjóri í Ringkjøbing Landbobank, valdur í nevndina hjá BankNordik í staðin fyri Keld Søndergaard Holm.</div><div><br></div><div><br></div><div><br></div>
