Eftirmeting uttan fakfeløg

Kommunufelagið, Almannamálaráðið, Fíggjarmálaráðið, Umhvørvis- & Vinnumálaráðið stóðu fyri eftirmetingini. Av tí at endamálið við eftirmetingini var at kanna, um lógin virkar eftir ætlan, vórðu fakfeløgini ikki tikin við uppá ráð. 

Við umleið 770 limum í starvi innan eldraøkið umboðar Mary Antonsdóttir umleið helvtina av starvsfólkunum í eldraøkinum.

Hon harmast, at fakfeløgini als ikki eru tikin við upp á ráð.

Tí harvið vendir eftirmetingin blinda eygað til ein stóran trupulleika innan eldraøkið, nevniliga sundurpettaðar vaktir og lágir arbeiðsbrøkar, sum ganga út yvir løn og trivnað og styggja fólk burtur í onnur størv.

Sambært Mary Antonsdóttir arbeiða heili 96% av limunum í Heilsuhjálparafelagnum niðursetta tíð.