Teresa F. Bláhamar: Íðkar ikki færri enn sjey greinar

Teresa Fríðriksdóttir Bláhamar hevði ikki nógva tíð til hvíld, tá hon var við í FM í frælsum ítrótti um vikuskiftið. 

Hon var nevniliga við í ikki færri enn sjey ymsum ítróttargreinum. 

 - Eftirhondini er tað bara rutina, tí eg havi verið við í so nógv ár. So eg royni at hvíla meg ímillum dagarnar og hiti róliga upp, sigur Teresa F. Bláhamar.

Hon sigur, at henni dámar best hæddarlop - tað er greinin, sum hon kappast í, tá hon er uttanlands - men at henni dámar allar greinarnar.