Kappróður: Mittast ella uttast

Kappróður: Mittast ella uttast
Aðalfundurin hjá Róðrarsambandi Føroya hevur samtykt, at bestu bátarnir ikki longur skulu liggja í miðjuni, men uttast øðrumegin. Tað elvir til kjak
29.03.2021 - 19:06

Mittast ella uttast.

Tað er spurningurin, sum upptekur róðrarfólk í løtuni.

Aðalfundurin hjá Róðrarsambandi Føroya hevur samtykt, at bestu bátarnir ikki longur skulu liggja í miðjuni, men uttast øðrumegin. Ikki øll eru glað um broytingina.

Um vit koma at liggja nummar eitt alt árið, veit eg ikki, um eg tími at rógva kapp móti Ludvíki við Stein og útvarpsbátinum. Eg vil fegin liggja í miðjuni og hava ein bát í stýriborð og ein í bakborð, sigur Svein Rógvi Nielsen Ljósstein, sum hevur róð í nógv ár og í løtuni rór við Orminum Langa.

Fróði Magnussen, kassameistari í Havnar Róðrarfelag, sum hevur drúgvar royndir í kappróðri - bæði sum rógvari og fyriskipari - dámar væl nýggja leistin.

Um vit broyta leistin, so vil tað verða soleiðis, at nummar eitt, tvey og trý nærum sum í dag. Fýra, fimm og seks koma so at liggja nær við hvønn annan, og sjey, átta, níggju og so framvegis, sigur Fróði Magnussen.

Hann heldur, at kappingin verður betri fyri fleiri.

Eg rokni við, at áhugin fyri at luttaka hjá teimum, sum sita í bátunum verður størri, tí kenslan av at kappast er tað størri, sigur hann.

 
Er kopiera
Nýggjastu sendingar í ÚV
Sunnudag 20. apríl
Bolero - 20. apríl 2025
190884
Sunnudag 20. apríl
Credo: "Bert ein dag..." 1:2
190873
Sunnudag 20. apríl
Guðstænasta úr Glyvra kirkju
190879
Nýggjastu sendingar í SV
Sunnudag 20. apríl
Guðstænasta úr Glyvra kirkju
190878
Fríggjadag 18. apríl
Knútsfagnaður
190859
Fríggjadag 18. apríl
Eftir Vørðunum
190772
Fríggjadag 18. apríl
Guðstænasta úr Kvívíkar kirkju
190856
Hósdag 17. apríl
Útilív (5:6)
190791