Fleiri Hamas-leiðarar deyðir í Gasa

Fleiri Hamas-leiðarar deyðir í Gasa
Ísraelska álopið hevur kravt fleiri enn 400 mannalív, sigur Hamas
Fleiri enn 400 fólk eru deyð í ísraelska álopinum, og fleiri enn 600 eru særd, sigur Hamas.
Mynd: Reuters/Ritzau Scanpix  
 
18.03.2025 - 11:45

Leiðarin í Hamas-stjórnini í Gasa, Essam al-Dalis, er ein av fleiri Hamas-leiðarum, sum lótu lív í ísraelsku álopunum í nátt, upplýsir Hamas.

Hamas, sum er á yvirgangslistanum hjá ES og USA, hevur almannakunngjørt ein lista við nøvnum, har leiðarin fyri innanríkisráðið, Mahmud Abu Watfa, og stjórin fyri innanhýsis trygdarstovuna hjá Hamas, Bahjat Abu Sultan, eru millum teirra, sum hava latið lív

Tað skrivar NTB.

Ísraelsku álopini hava kravt í minsta lagi 404 palestinsk mannalív, siga heilsumyndugleikarnir í Gasa, har Hamas hevur valdið, og fleiri enn 600 eru særd.

Álopið í nátt er tað ógvisligasta, síðani fyrsti partur av vápnahvíldini byrjaði.

Sambært skrivstovuni hjá ísraelska forsætisráðharranum, Benjamin Netanyahu, bumbar ísrael mál í Gasa, tí Hamas noktar at lata fangar leysar.

 

 

Er kopiera
Nýggjastu sendingar í ÚV
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226