Gekk túr hvønn dag í 2024

Gekk túr hvønn dag í 2024
- Tá tú gongur, fært tú frið at hugsa. Og tað er ordiliga gott, sigur Erla Leonsson, sum á nýggjárinum 2023 setti sær fyri at ganga túr hvønn dag í 2024.
 
14.01.2025 - 13:35

Ein gongutúr hvønn dag í árinum.

Hetta var tað, sum Erla Leonsson úr Sørvági setti sær fyri á nýggjárinum fyri einum ári síðani.

Og tann 31. desember í fjør hevði Erla Leonsson rokkið málinum. Hon hevði tá gingið ein túr hvønn einasta dag í 2024. Tað bleiv til 366 túrar.

- Eg havi altíð gingið nógv, men við hesum vildi eg geva mær sjálvari eina avbjóðing, og at ganga er tað, sum fellur mær lættast, heldur enn til dømis at renna, svimja ella rógva, sigur Erla Leonsson, sum í miðal gekk túr ein tíma hvønn dag í fjør.

Sambært henni er ein gongutúrur góður fyri bæði likam og sinn:

- Fyri tað fyrsta er tað gott fyri kroppin. Kenslan av at mann orkar betur dag fyri dag er ordiliga góð. Og so er tað eisini tað, at tú fært frið at hugsa. Tað er ordiliga gott, sigur Erla Leonsson.

Tað hevur tó ikki altíð verið líka lætt at fara út at ganga:

- Onkrar dagar var tað strævið. Eg mátti ofta fara tíðliga upp um morgunin, tí eg slappaði ofta ikki av, fyrr enn eg hevði verið dagliga túrin, sigur Erla Leonsson, sum enntá hevur hildið fast í nýggjárslyftinum, tá hon hevur verið sjúk.

- So lat eg meg í kavadrakt út yvir náttklæðini, og so líka ein stuttan túr til gongu, fortelur Erla Leonsson.

Fyri tað mesta hevur hon gingið í bygdini, men onkrar dagar fór hon til Bíggjar, Miðvágs ella niðan á flogvøllin. 

Í morgunsendingini greiðir Erla Leonsson frá nýggjárslyftinum, sum hon kom á mál við 31. januar 2024.

Er kopiera
Nýggjastu sendingar í ÚV
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208