Linjohn Christiansen fyri tíggjundu ferð

Tað hendi, tá ið nývalda bygdarráðið í Skálavíkar kommunu skipaði seg á fundi, sum byrjaði klokkan fýra seinnapartin. 

Listi A fekk meirilutan á valinum 12. november, og tey høvdu avtalað at skipað seg við Linjohn Christiansen sum borgarstjóra, men har kom eitt uppskot afturat á fundinum í dag.

Umframt borgarstjóran skuldi varaborgarstjóri eisini veljast, og eisini har komu tvey uppskot. Listi A skjeyt upp at velja verandi varaborgarstjóra, Anitu Joensen, men listi B skeyt upp at velja Jákup Myllhamar í Geil. Tað endaði við at Anita Joensen varð vald við teimum trimum atkvøðum hjá lista A.

40 ár sum borgarstjóri

Hetta er 11. ferðin á rað, at Linjohn Christiansen er valdur í bygdarráðið í Skálavík, hvørja ferð sum 1. valdur, og hetta er tíggjunda skeiðið hjá Linjohn Christiansen sum borgarstjóri í Skálavík. 

Tá ið hetta skeiðið er runnið, hevur hann sitið sum borgarstjóri í 40 ár. 

Dagøring: Í innslagnum verður sagt, at Linjohn Christiansen hevur verið tann fyrst valdi bygdarráðslimurin hvørja ferð, men tað er ikki heilt rætt. Í verandi løtu sleppa vit sleppa aftur til valúrslitið í 1992, og Linjohn Christiansen hevur verið tann fyrst valdi á øllum valunum uttan í 1996 og í 2008, tá hann gjørdist numnar tvey á listanum. Haldið okkum tilgóðar.