Pakkar koma og fara á pakkatrænum

Pakkar koma og fara á pakkatrænum
Úti í Grøv stendur eitt stórt træ, har fult av jólapakkum eru hongdir upp
 
09.12.2024 - 08:09

- Hetta er bara fyri at hava okkurt stuttligt og hugnaligt at gera saman við børnunum í desembur, sigur Finn Stampe, stigtakari til pakkatræið.

 

Síðan 2019 hevur Finn hongt pakkar upp á eitt træ úti í Grøv í Klaksvík. Hugskotið er, at børn skulu pakka ein pakka heima, og so fara eina túr saman við familjuni út í Grøv, velja sær ein pakka á trænum og so heingja sín egna pakka upp á træið, sum so onkur annar fær gleði av.

 

- Hetta nýtist ikki at verða stórir ella kostnaðarmiklir pakkar. Legg pakkan í ein posa og bind band um. Skriva á pakkan, um pakkin er til gentu ella drong og hvønn aldursbólk pakkin er hóskandi til, sigur Finn.

 

Postkassin har til ber at koyra ein tekning í. (Mynd: Finn Stampe)

 

Hann hevur eisini fingið gjørt ein postkassa, har børn kunnu koyra eina tekning í, sum tey hava skrivað sítt navn og eitt telefonummar á, so eru tey við í einum lutakasti um fleiri gávubrøv.

 

- Eg fari at trekkja lut, tvær ferðir. Fyrstuferð tann 10. desembur og seinnu ferð, tann 20. desembur, sigur Finn Stampe.

 

1712690

Lurta eftir samrøðuni við Finn Stampe, har hann greiðir frá pakkatrænum. 

Er kopiera
Nýggjastu sendingar í ÚV
Sunnudag 27. apríl
Bolero 27 apr 2025
191112
Leygardag 26. apríl
Jambalaja - 260425
191096
Nýggjastu sendingar í SV
Sunnudag 27. apríl
Møti í Berøa í Saltangará.
191117
Sunnudag 27. apríl
Andakt
191114
Leygardag 26. apríl
Sement-finalan 2025
191109
Fríggjadag 25. apríl
KAKUMiKS (4:7)
191050