Stórálop á Ukraina í morgun

Stórálop á Ukraina í morgun
- Russland hevur tíðliga í morgun framt stórálop við dronum og rakettum á ukrainskar býir, sovandi sivil og týðandi undirstøðukervi
 
17.11.2024 - 12:19

Tað sigur ukrainska uttanríkismálaráðið í dag. 

- Hetta er eitt av størstu luftálopum, sum vit hava sæð, sigur uttanríkisráðharrin Andrij Sybiha.

Boðað er m.a. frá spreingingum í høvuðsstaðnum Kyiv og í landsrpørtunum Zaporizjzja og Dnipro. Í Kyiv leitaðu fólk sær skjól í metro-støðum. Eini íbúðarhús skulu vera rakt, og ein kvinna skal hava fingið løstir.

Álop á undirstøðukervið

Sambært orkumálaráðharranum í Ukraina, hevur Russland lopið á orku-undirstøðukervi um alt landið, og nógvastaðni hava fólk mist streymin. Í landspartinum Rivne har vesturi í landinum, hevur Russland lopið á týðandi undirstøðukervi, sigur guvernørurin í landspartinum.

Sambært miðlinum Kyiv Independent, hoyrdust spreingingar í býunum í Kropyvnytskyi, Rivne, Ivano-Frankivsk, Cherkasy, Dnipro, Vinnytsia, Kryvyi Rih, Odesa og Zaporizhzhia. 

Í minsta lagi eitt fólk hevur latið lív og fleiri hava fingið skaða.

Pólland tilbúgvið

Pólland boðar frá, at landið nú mobiliserar 'allar deildir, sum eru tiltaks', sum aftursvar til umfatandi luftálopið á Ukraina.

Pólland hevur sent jagaraflogfør á flog, - m.a. eisini flogfør frá sameindum londum, sigur polska verjuleiðslan á miðlinum X.

Russland nýtti m.a. krússararakettir og dronur í álopum á Ukraina, - m.a. har vesturi í landinum, sum er við markið til Pólland.

 

Er kopiera
Nýggjastu sendingar í ÚV
Hósdag 3. apríl
Morgunlestur hósdagur 3.apríl 2025
189978
Mikudag 2. apríl
Eitt korter við klassiskum
190152
Mikudag 2. apríl
Morgunlestur mikudagur 2.apríl 2025
189977
Týsdag 1. apríl
LEITISSTEIN 01.04.2025 (Blátt Gras)
190130
Nýggjastu sendingar í SV
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022
Sunnudag 30. mars
Møti úr Nebo á Toftum
190017