KÍ spælir um Conference League-plássið

KÍ spælir um Conference League-plássið
KÍ tekur ímóti HJK Helsinki á Tórsvølli í fyrra playoff-dystinum til Conference League, sum í ár verður skipað øðrvísi enn undanfarin ár
Páll Klettskarð og liðfelagarnir í KÍ taka ímóti HJK Helsinki á Tórsvølli í kvøld.
Mynd: Bjarni Árting Rubeksen  
 
22.08.2024 - 14:40

KÍ tekur í kvøld ímóti HJK Helsinki í fyrra playoff-dystinum til Conference League.

Vinnarin samanlagt av teimum tveimum dystunum fær pláss í triðbestu UEFA-kappingini fyri feløg, sum í ár er skipað øðrvísi enn undanfarnu árini.

Tað er eingin loyna, at KÍ ætlar sær í evropeiskt endaspæl, og dystirnir ímóti finnum er síðsti kjansur eftir tapið ímóti Borac Banja Luka í 3. umfari av Evropa League.

 - Vit skulu halda fram við okkara góða spæli á heimavølli. Vit skulu hava eitt gott úrslit - ein sigur, segði Patrick da Silva við portal.fo.

 - So vænti eg, at tað verður lættari á útivølli í Helsinki, enn tað var ímóti Borac í Bosnia. Tað er ikki líka heitt, og tað er á graslíki, segði vinstri bakkurin hjá KÍ.

Kringvarpið vísir dystin í sjónvarpinum klokkan 19:35.

 

Bólkaspælið er strikað

Um KÍ megnar at spæla seg víðari í Conference League, verður ikki talan um bólkaspæl eins og í fjør. Allar evropeisku kappingarnar fyri feløg hjá UEFA, Champions League, Evropa League og Conference League, eru umskipaðar. 

Í staðin fyri at skipa liðini í bólkar, eru øll 36 liðini í Conference League saman í einari deild, har øll spæla seks dystir ímóti seks ymiskum mótstøðuliðum út frá styrkismeting, sum er gjørd frammanundan.

Átta tey fremstu liðini fara víðari, meðan liðini frá 9. til 24. pláss spæla knock-out dystir sínámillum um pláss í endaumførunum, sum er skipað sum vanligt.

 

 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243