Sverri rør World Cup - OL-áttarin ikki við

Sverri rør World Cup - OL-áttarin ikki við
Sverri Sandberg Nielsen verður á vatninum til World Cup-stevnuna í Poznan í Póllandi, har OL-fyrireikingin heldur fram. Sára Maria Johansen og OL-áttarin verða ikki við
Sverri Sandberg Nielsen skal rógva til World Cup-stevnuna í Poznan um vikuskiftið
Mynd: Balint Czucz / roning.dk  
 
13.06.2024 - 12:08

Sverri Sandberg Nielsen rør til ársins síðstu World Cup-stevnu, har fyrireikingarnar til Olympisku leikirnar í París halda fram hjá miðvinginum.

Kappingin verður í pólska býnum Poznan um vikuskiftið.

 - Tað sat ikki heilt í Lucerne (til World-Cup II), so vit hava sjálvandi vant og roynt ymiskt tekniskt. Nú skulu vit niður at royna, um tað, sum vit hava arbeitt við, hevur úrslit við sær, sigur Jens Vilhelmsen, sum er venjari hjá miðvinginum.

 

Sára Maria Johansen og tær ikki við

Danski áttarin, sum vann sær OL-pláss á seinastu World Cup-stevnuni í Lucerne, verður ikki á vatninum í Poznan. 

Sára Maria Johansen og hinar átta, sum manna bátin, vera í staðin eftir í Danmark og venja.

 - Vit hava hava havt eitt hart tíðarskeið, og nú hava vit tørv á arbeiðsfriði. Harafturat skulu fleiri av kvinnunum til lestrarroyndir í næstum, og millum annað tí hava vit valt ikki at vera við, sigur venjarin, Frederik Taulbjerg. 

 


Sára Maria Johansen (uttast t.h.) og hinar á danska OL-áttaranum skulu ikki rógva til World Cup-stevnuna í Poznan um vikuskiftið. MYND: roning.dk

 

Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180