Sendirøð um svik og hvítting: Danska stjórnin arbeiðir við átøkum

Danska stjórnin fer á fundi mánadagin at viðgera átøk móti skattasviki og hvítting, eftir at danska dokumentarsendingin "Den sorte svane" er víst í donskum sjónvarpi.

Allir flokkar í fólkatinginum eru bodnir við á fundin, sum verður í løgmálaráðnum. 

Stjórnin hevur ikki sagt ítøkiliga, hvørji tiltøk tey ætla at seta í verk, men ráðharrarnir vera við á fundinum.

Peter Hummelgaard

Peter Hummeland, løgmálaráðharri, sigur seg vera skelkaðan av sendirøðini. Stjórnin hevur boðið umboðum fyri allar flokkar í fólkatinginum til fundar mánadagin. 

Fíggjarlig brotsverk

Eftir at danska TV2 vísti dokumentarrøðina "Den sorte svane" í síðstu viku, hava danskir miðlar skrivað nógv um málið.

Í sendirøðinii verða umfatandi fíggjarlig brotsverk og svik avdúkað, m.a. at dálkað jørð verður tyrvd. 

Avdúkingarnar í dokumentarrøðini eru gjørdar við fjaldum upptøkutólum og eini sonevndari moldvørpu, sum arbeiðir fyri TV2 í kriminella umhvørvinum.

Hevur fingið avleiðingar

Sendingin hevur longu fingið avleiðingar fyri tveir advokatar, sum eru sagdir úr starvi, og ein advokatur er meldaður til løgregluna.

Ein lokalpolitikari hevur eisini lagt frá sær, og ein umhvørvisgreinari og ein ognarmennari eru meldaðir til løgregluna.