- Tíðindi, mentan og ítróttur
Ukraina skjótt í uppisetri fyri granatir
Ukraina skjótt í uppisetri fyri granatir
Uttan meira stuðul úr USA er vandi fyri, at Ukraina lutfalsliga skjótt verður í uppisetri fyri artillarígranatum.
10.04.2024 - 18:50
Harvið økist vandin fyri einum hernaðarligum ósigri. Tað ávaraði herovastin fyri amerikansku deildirnar í Evropa, Christopher Cavoli, generalur, um, tá hann í dag var til hoyring í amerikanska umboðsmannatinginum.
Tað skrivar danska TV2.
- Um eini parturin kann skjóta, og hini ikki kann svara aftur, tapa tey, sum ikki kunnu skjóta, sigur ovastin.
Cavoli segði eisini, at í løtuni skjóta russar eini fimm artillarígranatir fyri hvørja ukrainar skjóta aftur, og at hesin munurin næstu vikurnar kann økjast til 10 til eitt.
Amerikanska umboðsmannatingið viðger í løtuni ein hjálparpakka fyri 60 mia dollarar, men republikanski formaður, Mike Johnson sýtir framvegis fyri, at senda uppskotið til atkvøðugreiðslu.
Er kopiera
Nýggjastu sendingar í ÚV
Fríggjadag 21. februar
Breddin: Rumbul í Javnaðarflokkinum og minni sensurur á sosialum miðlum
188109
Nýggjastu sendingar í SV
