Varðhaldsfongslaður í USA fyri ætlan um at smugla vápn til Íslands

Varðhaldsfongslaður í USA fyri ætlan um at smugla vápn til Íslands
Íslendingurin var handtikin á einum amerikanskum flogvølli, og í viðførinum vóru skotvápn og lóður
Íslendska løgreglan hevur gjørt húsarannsókn heima hjá manninum í Reykjavík, og har fann hon maskinbyrsur, skammbyrsur og stóra nøgd av ólógligum lóðri. (Savnsmynd: RÚV)
 
19.03.2024 - 08:54

Ein íslendskur maður er varðhaldsfongslaður í USA undir illgruna fyri at hava ætlanir um at smugla vápn til Íslands. 

Hann var á veg til Íslands, tá ið hann varð handtikin á einum flogvølli. Í viðførinum vóru skotvápn, eykalutir til skotvápn og lóður.

Í USA eru strangar lógir um ólógligan útflutning av skotvápnum, og maðurin hevur tí sitið í varðhaldi síðani.

 

Húsarannsókn í Reykjavík

Í sambandi við málið gjørdi løgreglan í Íslandi um vikuskiftið húsarannsókn heima hjá manninum í Reykjavík, og har var hald lagt á fleiri maskinbyrsur, skammbyrsur og stóra nøgd av ólógligum lóðri.

Hald var eisini lagt á ljóðdoyvarar, ólóglig skothylki og annað. 

Maðurin hevði vápnaloyvi til øll sløg av skotvápnum, sum eru í Íslandi, men fleiri vápn, sum løgreglan legði hald á heima hjá honum, vóru ikki skrásett.

Vápnasmugling verður í fleiri londunum javnsett við skipað brotsverk ella yvirgang, og revsingin kann vera hørð, skrivar íslendska kringvarpið, RÚV.

Er kopiera
Nýggjastu sendingar í ÚV
Mikudag 23. apríl
Mono - Minimalisma í tónleiki (1:5)
191003
Mikudag 23. apríl
Góðan morgun Føroyar
190988
Mikudag 23. apríl
Morgunlestur mikudagur 23.apríl 2025
190969
Týsdag 22. apríl
LEITISSTEIN 22.04.2025 (Deja Vu)
190977
Nýggjastu sendingar í SV
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949
Týsdag 22. apríl
3-2 (7. apríl 2025)
190948
Týsdag 22. apríl
3-2 (31. mars 2025)
190947
Týsdag 22. apríl
3-2 (24. mars 2025)
190946