Søkja fyri triðju ferð eftir leiðara til eldrasamstarv

Bú- og heimatænastan í Suðuroynni noyðist fyri triðju ferð at søkja eftir nýggjum leiðara. 

Á fundi í gjár vrakaði meirilutin í stýrinum fyri Bú- og heimatænastuna innstillingina frá einum meiriluta í setanarbólkinum. 

Stýrið fer í næstum aftur at lýsa starvið leyst, men stýrisformaðurin, Kristin Michelsen, hevur ikki góðar vónir um, at tað fer at eydnast at finna fleiri umsøkjarar.

Hoyr innslag í útvarpstíðindunum: 

Hanus Toftheyggj var leiðari fyri Bú- og heimatænastuna, men 1. januar tók hann við starvi sum stjóri á Suðuroyar sjúkrahúsi. 

Í stýrinum fyri Bú- og heimatænastuna eru eitt umboð fyri allar kommunurnar í oynni. Tvøroyrar og Vágs kommuna hava tó tvey umboð.