93 nýggj akfør skrásett í februar

93 nýggj akfør vóru skrásett í februar, 18 færri enn í februar í fjør.

Men persónbilarnir vóru 67 bæði í ár og í fjør.

Til 1.mars vóru skrásett 157 akfør, 39 færri enn í januar og februar í fjør. Afturgongdin er sløk 20 prosent.

Men akførini, sum eru innflutt brúkt, eru fleiri í ár. Tey vóru 39 í februar, 22 fleiri enn í februar í fjør.

Her er serliga talan um persónbilar. 

Sí yvirlit frá Akstovuni um skáseting av nýggjum akførum her.

Sí yvirlit frá Akstovuni um skráseting av brúktum akførum her.