Rannsóknarleiðari settur til tænastumannakanningina

Rannsóknarleiðar er nú settur at standa fyri tænastumannakanningini av embætisførsluni hjá Turið Arge, aðalstjóra í Heilsumálaráðnum. 

Tað verður Jens Nørtved, hjálpardómari í rættinum í Roskilde, sum fer at standa fyri avhoyringunum í kanningini.

Jens Nørtved hevur fyrr arbeitt í Føroyum sum hjálpardómari og skilir sostatt føroyskt bæði í skrift og talu, upplýsir Henrik Møller, dómari í Føroya rætti, fyri Løgmansskrivstovuni.

Á Løgmansskrivstovuni hava tey einki fingið at vita um, nær roknast kann við, at tænastumannakanningin verður liðug.