Sambandsflokkurin størstur

Sambandsflokkurin hevði blivið størsti flokkur við níggju tingsessum og 26,3 prosentum av atkvøðunum.

Fólkaflokkurin hevði við 25,2 prosentum blivið næststørsti flokkurin og fingið átta tingsessir.

Við 17 tingsessum kundu teir báðir flokkarnir, sum nú sita í andstøðu, einsamallir skipað samgongu.

Javnaðarflokkurin hevði fingið 19,3 prosent og sjey tingsessir, og Tjóðveldi hevði fingið 15,9 prosent og fimm tingsessir.

Framsókn og Miðflokkurin høvdu fingið hvør sínar tveiur tingsessir fyri ávikavist 5,9 og 5,4 prosent av atkvøðunum.

Sjálvstýri hevði ikki komið á ting hesaferð heldur, tí hann hevði bara fingið 1,9 prosent av atkvøðunum.

500 fólk hava svarað kanningini, og 10,5 prosent hava ikki tikið støðu, 1,3 prosent høvdu ikki farið á val, og 3,3 prosent høvdu atkvøtt blankt.