Bill farin upp í Fólkaflokkin

Bill farin upp í Fólkaflokkin
Bill Justinussen, sum fyri 30 árum síðani var við til at stovna Miðflokkin, og bæði hevur verið løgtingsmaður og landsstýrismaður fyri flokkin, er nú farin upp í Fólkaflokkin.
Bill Justinussen hevur í vikuni teknað seg sum lim í Eysturoyar fólkafloksfelag
Mynd: Bjarni Árting Rubeksen  
 
10.02.2024 - 12:16

 

Bill Justinussen, ið gjørdist ov stuttur á løgtingsvalinum í desembur í 2022, sigur brotið við Miðflokkin vera hent í virðing og sóma frá báðum pørtum.

Hann sigur seg hava ásannað, at hann er ov borgarligur til Miðflokkin, og nú hann ikki longur er tingmaður, heldur hann ikki, at eitt floksskifti skaðar Miðflokkin.

- Eg eri sera samdur við stevnuskrá Fólkafloksins. Góður, borgarligur politikkur byggir land og førir land okkara framá, sigur nú fyrrverandi miðfloksmaðurin við Vágaportalin, ið ber hesi tíðindi.

Bill Justinussen, ið sat sum landsstýrismaður fyri Miðflokkin frá 2002 til 2004, og sum tingmaður frá 2004 til 2022, hevur í vikuni teknað seg sum lim í Eysturoyar fólkafloksfelag.

Er kopiera
Nýggjastu sendingar í ÚV
Mánadag 27. januar
Góðan morgun Føroyar
186905
Mánadag 27. januar
Vetrarjazz 2025
186712
Mánadag 27. januar
Morgunlestur mánadagur 27.januar 2025
186649
Sunnudag 26. januar
Dansival
186889
Sunnudag 26. januar
Møti: Møti úr Vitinum í Hvalba
186890
Nýggjastu sendingar í SV
Mánadag 27. januar
3-2
186892
Sunnudag 26. januar
Guðstænasta á Viðareiði
186881
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749