Vaktarskip og Challenger-flogfar leita í dag

Leitingin heldur fram eftir tveimum av manningini á frystilíniskipinum Kambi. 

Í løtuni er Tjaldrið einsamalt og leitar, men Brimil er á veg suður við nýggjari manning. Eitt Challenger-flogfar hjá donsku verjuni verður í økinum hvørja løtu, og fer at leita í einar tveir tímar.

Tyrlan er ikki við í leitingini í løtuni.

Økið, har leitað verður, er vorðið uppaftur størri, tí tað veksur fyri hvønn dag, sigur Egin Markná, vaktleiðari á MRCC.