- Tíðindi, mentan og ítróttur
Eitt slag av løðarastikki í Evropa um tvey ár
Eitt slag av løðarastikki í Evropa um tvey ár
ES hevur samtykt, at um tvey ár verður bara eitt slag av løðarastikki í ES
USB-C løðarastykkið verður standardurin í ES-londunum um tvey ár, og hann er nummar tvey frá høgru
Mynd: Shutterstock.com
04.10.2022 - 18:31
Nú sleppa vit undan at hava fleiri sløg av løðarum til eitt nú fartelefonir.
ES hevur samtykt, at um tvey ár verður bara eitt slag av løðarastikki í ES.
Allar fartelefonir, teldlar og myndatól, sum skulu seljast í ES, skulu frá á vári 2024 hava standard løðarastikk.
Tað skrivar Reuters.
Uppskotið hevur verið leingi í umbúnað, men í dag er tað endaliga samtykt í ES-tinginum.
USB-C-portrið
Talan er um USB-C-portrið, sum longu er í nógvum snildtelefonum, tráðleysum teldum, smátalarum og øðrum elktroniskum eindum.
Fyri Appel merkir hetta, at felagið skal gera broytingar, um tað framvegis vil selja sínar telefonir á evropiskum marknaðum.
Tøknirisin hevur nakrar vørur við USB-C-portrinum, sum ES krevur.
Endamálið við lóggávuni er at minka um nógva elektroniska burturkastið.
Er kopiera
Nýggjastu sendingar í ÚV
