Fekk endurgjald, tí javnstøðulógin var brotin

Fekk endurgjald, tí javnstøðulógin var brotin
Nevndin álegði arbeiðsgevaranum at gjalda arbeiðskvinnuni endurgjald, svarandi til løn í 25 vikur
Arbeiðskvinnan hevur fingið 190.000 kr. í endurgjaldi, sum Javnstøðunevndin álegði arbeiðsgevaranum at rinda. (Savnsmynd: Føroya arbeiðarafelag)
 
13.09.2022 - 08:20

Ein arbeiðskvinna hevur fingið yvir 190.000 kr. í endurgjaldi, tí javnstøðulógin var brotin.

Føroya arbeiðarafelag kærdi í fjør til Javnstøðunevndina, tí ein limur felagsins metti seg hava verið fyri mismuni í sambandi við, at hon var í barsilsfarloyvi.

Tá barsilstíðarskeiðið var liðugt, fekk kvinnan at vita, at hon ikki longur skuldi røkja starvið, sum hon hevði, áðrenn hon gjørdist við barn, men at hon skuldi arbeiða sum vanligt arbeiðsfólk.

 

Einki prógv

Javnstøðunevndin staðfesti fyrst í apríl, at arbeiðsgevarin ikki prógvaði, at uppsøgnin ikki var grundað á barsilin.

Nevndin álegði arbeiðsgevaranum at gjalda arbeiðskvinnuni endurgjald, svarandi til løn í 25 vikur.

Við eftirløn er talan um kr. 190.321 kr.

Kvinnan hevði frammanundan fingið staðfest í Vinnukærunevndini, at sami arbeiðsgevari ikki helt skyldur sínar sambært lógini um setanarprógv, og hon fekk eisini endurgjald fyri hetta brot.

 

Ikki skattskyldug

Føroya arbeiðarafelag segði, at slíkar endurgjaldsupphæddir ikki skulu skattast.

Fyrst segði Taks, at tað skulu tær, men seinni segði Taks, at talan ikki er um skattskylduga inntøku


 

Er kopiera
Nýggjastu sendingar í ÚV
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762