Gongur skjótt at lima Svøríki og Finnland í Nato

Gongur skjótt at lima Svøríki og Finnland í Nato
Svenska stjórnin fer seinni í dag væntandi at taka søguligu avgerðina
Jens Stoltenberg er aðalskrivari í NATO.
Mynd: Ritzau Scanpix  
 
16.05.2022 - 09:20

Aðalskrivarin í Nato, Jens Stoltenberg, væntar, at tað fer at ganga ógvuliga skjótt at lima Svøríki og Finnland inn í Nato, um tey bæði londini fara at søkja um limaskap, sum tey longu hava kunngjørt, at tey fara. 

Væntandi fer tað at taka millum fýra mánaðir og eitt ár at lima tey inn.

Sambært tíðindastovuni Reuters, hevur russiski forsetin, Vladimir Putin, sagt, at tað fer at verða skaðiligt fyri finska sambandið við Russland, um finnlendingar fara upp í Nato. 

Svøríki staðfestir somuleiðis í síni trygdarpolitisku greining av einum væntandi limaskapi í Nato, at hetta helst fer at bera í sær russisk móttiltøk, skrivar danska kringvarpið. 

 

Taka avgerð í dag

Eftir at Svøríki í gjár kunngjørdi, at svenski javnaðarflokkurin tekur undir við, at Svøríki gerst limur í Nato, er vegurin nú opin fyri at søkja um limaskapin.

Longu í dag kann Svøríki senda Nato umsóknina, skrivar SVT. 

Svenska stjórnin fer á fundi seinni í dag at taka søguligu avgerðina.

 

Erdogan, forseti í Turkalandi, er ímóti, at Finnland og Svøríki fáa limaskap í Nato.

 

Eitt mistak

Turkiski forsetin, Recep Tayyip Erdogan, hevur fleiri ferðir sagt, at tað er eitt mistak, um Svøríki og Finnland fara upp í Nato. 

Hann segði fríggjadagin, at Turkaland er ímóti svenska og finska limaskapinum í NATO, tí londini skulu hava hýst yvirgangsfelagsskapum.

Hildið verður, at støðan hjá turkiska forsetanum kann gerast ein forðing fyri svenskum limaskapi. 

 

Sendinevnd til Turkalands

Svøríki sendur tí eina sendinevnd til Turkalands at umrøða støðuna.

- So fáa vit at síggja, hvussu málið kann loysast, og hvat hetta yvirhøvur snýr seg um. Men sum vit skilja Nato, er tað ein avtala um, at bæði Svøríki og Finnland sleppa uppí, sigur svenski verjumálaráðharrin, Peter Hultqvist.

Er kopiera
Nýggjastu sendingar í ÚV
Mikudag 23. apríl
Mono - Minimalisma í tónleiki (1:5)
191003
Mikudag 23. apríl
Góðan morgun Føroyar
190988
Mikudag 23. apríl
Morgunlestur mikudagur 23.apríl 2025
190969
Týsdag 22. apríl
LEITISSTEIN 22.04.2025 (Deja Vu)
190977
Nýggjastu sendingar í SV
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949
Týsdag 22. apríl
3-2 (7. apríl 2025)
190948
Týsdag 22. apríl
3-2 (31. mars 2025)
190947
Týsdag 22. apríl
3-2 (24. mars 2025)
190946