Bíða í spenningi eftir røðu hjá Putin

Í dag fer Russland at hátíðarhalda sigurin á Týsklandi í 1945, og nógv verður gjørt burturúr.

Hóast nógvir hermenn eru í kríggi í Ukraina, so fara nógvir aðrir hermenn at ganga skrúðgondu í Moskva, og Vladimir Purin, forseti, fer at halda røðu.

Roknað verður við, at 12.000 hermenn fara at ganga skrúðgongu á Reyða Torginum í Moskva.

Hóast tað ikki verður roknað við nógvum gestum í Moskva í dag, so bíða fólk í spenningini eftir røðuni hjá Vladimir Putin, forseta, og serliga um tað,  sum hann fer at siga um kríggið í Ukraina.

Seinastu tíðina hevur nógv verið tosað um røðuna, og um Pution fer alment at boða frá, at Russland er í kríggi við Ukraina.

Skrúðgonga í Moskva - Mynd: Ritzau Scanpix

Frá skrúðgonguni í Moskva. (Mynd: Ritzau Scanpix)

Hernaðarligt átak

M.a. hevur bretski verjumálaráðharrin, Ben Wallace, sagt, at Putin fer at boða frá kríggi, og siga, at Russland er í kríggj ímóti nazistunum í Ukraina.

Higartil hevur Rusland ikki nevnt innrásina kríggj, men eitt serligt hernaðarligt átak.

Fer Putin at boða frá kríggi, so fær hann størri heimild at kalla herfólk í tænastu, eisini fólk, sum ikki eru í herinum nú.

Sambært russiska uttanríkisráðharranum,  Sergej Lavrov, so fær hátíðarhaldið í dag onga ávirkan á innrásina í Ukraina.

Vladimir Putin, forseti, gav í 2008 boð um at hátíðarhalda 9. mai sum ein sigursdag, og dagurin skal vísa bæði russiska fólkinum og heiminum sum heild, at Russland er eitt hernaðarliga sterkt land.

Eisini í Ukraina

Eisini í Ukraina bíða fólk í spenningi eftir tí, sum fer at henda í Russlandi í dag, og hvussu fólk í Ukraina fara at merkja russiska hátíðarhaldið.

Tíðindamaðurin hjá danska kringvarpinum í Odessa, Jakob Krogh, segði soleiðis við DR í morgun: