Sílini í Heygadali fingið longda livitíð

Sílini í Heygadali fingið longda livitíð
Smápartafelagið Røkt hevur fyri lítlari løtu síðani fingið viðhald í kæruni til Vinnukærunevndina um steðgandi virknað, nú SEV er byrjað at tøma byrgingina í Heygadali
Jóhan í Niðristovu og Røkt fingu viðhald í, at teirra kæra fekk steðgandi virknað
Mynd: savnsmynd  
 
19.04.2022 - 18:11

SEV má gevast við at tøma byrgingina í Heygadali, har seinastu føroysku sílini svimja. 

Røkt sendi nevniliga kæruna til Vinnukærunevndina 13. apríl, og bað um at fáa steðgandi virknað. 

Tað var annars Heilsufrøðiliga Starvsstovan, sum 6. apríl tók avgerð um, at sílini skuldu takast av.

Í avgerðini verður sagt:

 

"Viðvíkjandi teimum vanligu reglunum um steðgandi virknað kann samanumtikið sigast, at ein kæra sum útgangsstøði ikki fær steðgandi virknað. Tað talar tó fyri at geva einari kæru steðgandi virknað, at kærurætturin annars verður gagnleysur. Um avgerðin hjá myndugleikunum missir sín týdning við eini avgerð um at loyva steðgandi virknað, talar hetta hinvegin fyri, at avgerðin ikki fær steðgandi virknað. Hetta um atlit til t.d. vanda fyri heilsu ella trygd tala fyri hesum.

Formaðurin í Vinnukærunevndini metir samanumtikið, at grundarlag er fyri at loyva kæruni steðgandi virknað, tí kærurætturin annars verður gagnleysur.

Mett verður ikki, at avgerðin hjá myndugleikunum missir sín týdning við at loyva kæruni steðgandi virknað".

 

SEV má steðga

SEV fór annars í dag í gongd við at tøma byrgingina í Heygadali.

Byrgingin skal viðlíkahaldast, og tí skal alt vatnið tømast úr byrgingini.

Men nú má SEV steðga við hesum arbeiðinum.

Harvið fáa føroysku sílini longda livitíð. 


 
Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243