Skeinkistøð kannað: Einki at finnast at

Einki var at finnast at, tá løgreglan í nátt gjørdi eftirlit á skeinkistøðum ymsastaðni í landinum.

Løgreglan hevur í nátt kannað skeinkistøð í Klaksvík, Runavík, Fuglafirði og á Tvøroyri, sigur vakthavandi á politistøðini í Havn.

Kannað varð, hvussu nógv fólk vóru á teimum ymisku skeinkistøðunum, og løgreglan minti eisini gestirnar á, at halda neyðuga frástøðu.

55 bilar steðgaðir í Eysturoynni

Øll skeinkistøðini, sum vórðu kannað í nátt, hildu ásetingina um afturlating, og klokkan 2:45 høvdu øll tey kannaðu skeinkistøðini latið aftur.

Løgreglan gjørdi eisini ferðslukanningar í einum ferðsluátaki í Syðrugøtu frá klokkan hálvgum eitt til hálvgum tvey í nátt.

Tilsamans 55 bilar vórðu steðgaðir. Eingin bilførari varð ákærdur fyri at koyra ávirkaður í Syðrugøtu, og heldur ikki aðrastaðni í landinum, sigur vakthavandi á politistøðini.